بسم الله الرحمن الرحيم السلام عليكم ورحمه الله وبركاته: هي بنات الــيوم جــيـت لكم بفكرة مستحيل وحدة منا قد سوتها بس الي أشوفهم يسوونها الغرب حيث انه لما تشوفي الواحد ميت تلاقي اهله حافظين له مكتبه كلها من ذكرياته.. منذ طفولته والى مراهقته والى سن شبابه والى مالانهاية ولما تقرأيها تشوفيه يعني كاتب فيها حياته بالتفصيل الممل وكأنه يكلمكي لما يتكلم تحسيه يتكلم مع إنسان مو مع كتاب..وكمان واصف كل شيئ كل شيئ عائلته وكل الاشياء الي يحبها شخصيته حياته المهنيه.. وكثير لاعبين أعرفهم الان أصدرو كتب تتحدث عن سيرتهم المهنيه مثلا:
الي شجعه وبدايته أهله كل الاشياء الي يحبها في الناس في النادي وين يتمنى يروح كل شيئ كل شيئ حتى إنك تحسي أنه يكلم صديق له
وكمان الجانب الغامض في حياته تجاربه الشخصيه الاشياء الي نجح فيها وبعض الاحيان تحسيه يحفز نفسه على انه يقوم بهالشي من أجل شخص أو من أجل امه ..وهاذا الشيئ في منطلق الروعه
خصوصاً يعني لما يصير لكي موقف او مثل الثقب الاسود في حياتك او قد تكون لحظات حاسمه في حياتك تستحق انك تكتبيها..إن لم تكتبيها سيمر عليها زمن وأنتي تحاولين تذكرها مع انها لحظة حاسمه لكنكي لاتتذكري مدى فرحك فيها ولاتتذكري ماذا فعلتي حينها
هذا شيئ محزن...
من الاشياء الي انا تعجبني ان الشخص يصنع له كرتون خشبي او حتى رف للكتب ويضع فيها كتب تتحدث عن اشياء ايجابيه في حياته. ويعجبني الشخص لما يكتب كل الي سواه مثلاً كذبت على فلان ويكتب بجانبها مباشرة لن أعيد هذه الكذبه مرة اخرى..وسأعتذر لمن كذبت عليه.. في هذي الحاله تحسيه سوى شيئ كبير في حياته ..ترك سلبيه وابدلها بإيجابيه..
وخصوصاً الفرحة رح تغمر اولادك مثلاً يعني تحكي لهم قصص عن الماضي .. تعطيهم الكتب الي انتي كنتي تكتبيها..يقرأونها يتعلمو من تجاربك واخطاءك عشان المرة الثانيه لايقعو فيها....يتعلمو كل الايجابيات الي كنتي تسويها
وبعدين لاتخصصي كتاب واحد لشيئ واحد احسه شيئ شوي مبالغ فيه.. خلي كتاب يتحدث عن اشياء خاصه فيكي اشياء عاطفيه وخلي كتاب اممم لفنونك مثلاً رسمتي قصي الورقه والزقيها في الكتاب وخلي كتاب يتحدث عن كل كل كل كل شيئ عن اقاربك عن شخصيتك عن نجاحاتك عن سلبياتك أكتبي كل شيئ ولو أصغر الامور ..
مثلا سافرتي حاولي تأخذي الصور الي صورتيها..وتلزقيها في الكتاب عشان لاتضيع
أكتبي كل شيئ مع التاريخ واليوم والساعه
ولاتنسي ولا ولا ولا شيئ
الان رح أعطيكي 6 خطوات أو أكثر عشان تصير مذكرتك مميزة.. ورح أشرح لكي كيف تبدأين وكيف تختمي..
1_ أول صفحة طبعاً شيئ معروف تكتبي فيه إٍسمك؟؟ مامليتي من كتابتك للغه العربيه ؟؟
ليش ماتحاولي تجربي شيئ ثاني
حاولي تكتبي إسمك باليونانيه او اي لهجة غير لهجتك او غير الانجليزيه.. خليكي متميزة
طيب كيف تكتبي إسمك بغير العربيه أنا اقول لك والطريقه يبي لها خفة يد وتقليد صارم
الخطوة الاولى\ أدخلي قوقل المترجم:
اوكيه أول مارح تفتح لكي الصفحة في الخانه الاولى اضغطي على العربية والجهة الثانيه اللهجة الي تبي انتي تكتبيها وحاولي كمان تغيري اسمك مثلاً: أنا اسمي الحقيقي دانا ولكن أنا القب نفسي فانتي شوفي خليني اوريك: وهذي ملاك من العربيه الى اليابانيه:
وهذي ملاك من العربيه الى الصينيه:
غيري جو مو كل شوي عربي عربي
بس كمان يمكن تكتبي عربي لكن جربي الخط الكوفي او اي خط جنااان
بس هي خطوة وحدة
2__أكتبي تاريخ بدايتك للكتابه ..والصف ..اذا كنتي تدرسي وحاولي تبدعي
3_وفي الصفحة الثالثة أكتبي كل شيئ كل شيئ خذي سته سبعه صفحات عادي امممم أكتبي عن الاشياء الايجابيه في حياتك مواهبك امك ابوك وكل اقاربك اكتبي أقرب الاشخاص اليك حللي شخصيتك اكتبي كل شيئ تحسي انك تبي تقوليه لأعز صديق جميع اسرارك وتوقعاتك كامله
4_أبدأي بالكتابه في نهايه الليل قبل ماتنامي كل شيئ صار لكي في هذا اليوم وحاولي تنصحي نفسك إنك تصححي هذي السلبيات الي انتي سويتيها هذا اليوم واذا كان فيه ايجابيات حاولي انك تلتزمي فيها مو طوال يومك الثاني لا الى نهاية مسيرتك
5_لاتستحي من كتابه كل شيئ ترا مافي أحد يشوف الي تكتبيه الا الله سبحانه وتعالى ثم انتي لأن الله اعلم بما تكتبين..فأنا ماأقول لكي حاولي الا يجب عليكي ان تكتبي مايرضي الله سبحانه وتعالى وتذكري ان هذا الكتاب رح يصير مو بإيدك رح يصير يا قدوة حسنه لأطفالك او حتى الذي وقع في يدة الكتاب او قدوة سيئه..أكتبي سلبياتك لكني تليها مباشرة الايجابيهحتى يتعلمو ان هذا خاطئ وهذا صحيح...
1_جيبي لكي اي دفتر ابو سلك ..متعودين نقول عليه ابو سلك وهذي هي صورته:
اممم صراحة يمديكي تشتري جاهز لكن أحس ان له حلاوة اذا قلتي انا الي سويته
شوفو الطريقة واضحة .. هو انك تشتري دفتر ابو سلك زي الي في صورة في منه أشكال روعه تجيكي أعرض من كذا وكمان صفحاته اذا تبي او تحبي 100 صفحة
وتفكي الغلاف الخلفي والغلاف الامامي وتشتري لها اي قماش او اي لو تحبيه وتغلفي بيها الغلافين الامامي والخلفي.. وبعدين تجيبي قطعه قماش صغيره وتحطيها بالوسط وبعدين على حسب ذوقك تبي تسوي فيونكات ورود..فراشات اشكال ابداعيه..عادي العبي تراه دفترك او تحطي في الواجهة الاولي اسمك باليونانيه الانجليزيه الكوريه اليابانيه او الصينيه
وهذي طريقه كمان روعه منقوله من أحد المنتديات بصعوبه وجدتها:
طريقة تزيين دفتر: في البداية نقوم باخذ قياس طول وعرض الدفتر.
كذلك نقوم بتحدبد مقاس قطعه صغيرة للقلم .
ثم نبدا بالعمل بحيث بوضع القماش على الدفتر لتعيين اذا كان المقاس مناسب .
نقوم بتحديد بالقلم المكان المناسب لحامل القلم.
ثم نقوم بقص المكان المحدد كما في الصورة.
بحيث يتم وضعها بهذه الطريقة.
ثم نقوم بتثبيتها بالدبوس .
ثم نقوم بخياطتها بالماكينه اما الباقي فيتم خياطته باليد كما في الصورة.
في الاخير ناتي الى التزيين بحيث يمكنك الابداع ووضع لمساتك الخاصة باي طريقة تريدين
الشكل النهائي لتزيين دفتر.
................................................. ............. بنات مو شرط مكينه الفكرة روعه امم عادي غراء اي شيئ المهم يتثبت اما بالنسبه للقلم تقدري تبدعي فيه
مثلاً يعني تقدري تربطيه بشريطة ع الجنب..
أو حتى تقدرو تسوو هذي الصورة لهذي المبدعه:
شوفو الطريقه واضحة بس جيبو جريدة لهجتها مو مفهومه وقطعوها وأبدأو لزقوها وأبدعو بدل الفيونكة يمديكو تضيفو لها اشياء... .. او حتى يمديكي تجيبي صورة او حتى صورتك وانتي صغيرة وتلزقيها:
الفيديو فيه موسيقى....
الفكرة روعه صح
ويمديكي تسوي هالوردة وتزيني:
وكمان يمديكي اذا عندك تنورة جينز او تنورة اي لون ماتبيها قصيها وغلفي بيها الدفتر
او حتى جيبي قماش دانتيل روعه بعدة ألوان وابدأي قصيها وزيني فيها الدفتر وهذي صورة توضيحيه:
لازم تبدعي تراه من الخارج شخصيتك ومن الداخل حياتك
وكمان تقدري تقطعي اوراق الوانها حلوة وبعض الاوراق مكتوب فيها اسمك مع بعض أوراق الجرائد وأرواق بنات وصور كلها قطعيها وإبدأي وزعيها رح تجيب شكل ملخبط كذا وروعه وأكشن
أوحتى تقدري انك تجيبي قطعه قماش جلد اي لون تحبي وتغلفي بيها وبعدين في الوسط قطعه قماش ومكتوب فيها إسمك بأي لهجة و الزقيها يعني الطريقه مثل الطباعة ع التي شيرت لك بدل التي شيرت قطعه قماش من اي نوع:
ويمديكي ترسمي على قماش قطح حلوة وتقصيها وتلزقيها على دفتر الذكريات: